S letschde wucheendi isch eifach fantastisch gse!
die wunderbare erläbnis hüffe sech.. u weni a letschd wucheend dänke wirdi scho von nächschde event ighout!
auso zum letschde wucheendi....am samschdi am morge bini met mim gaschtvater a märit gange!....är het dert dr ganz tag magicshows gha u ig ha ihm am morge am nüni goufe si stang ufzstöue!..när bini chlei ufem markt gse...isch extrem gross gse....u i ha bau ni aues möge gse...gäge mettag hani de mini gaschtmueter is stadt troffe u mer si gone probefahrt mache meteme mini cooper s! si wott drum äs neus outo choufe.....när gäge obe hetsi mi de zum Peter u sinere familie brocht...mer eich eifach ä mega luschtige obe gha mete nochbere vo ihne u äs het take away pizza gä......irgendwie isch statt tomatesause konfi ufem teig gse spezeill...aber ässbar!!!
am sunndi mettag bini de metem peter u karen u jackie(rotarierin) nach hawea gfahre ..dert heimer de no die 9 angere rotarier vom youth comittee troffe u nachdäm mers üs ufem campingplatz hei bequem gmacht simer ines pub dick go ässä...mmmm
am obe simer de no aui chlei zämä ghocket u hei chlei ebbis trunke....deu hei gloub ächt chlei z fiu gha....wasmer isch ufgfaue und i mega luschtig finge isch wenn die lütlis do chlei aukohou trunke hei chunt s bort "bloddy" plötzlech i jedem satz vor wosi sägä....grins
am nächschde moge simer de wider mau go fische..mer hei drü boot gha !
ig ha ä fisch gfange dismau ä rainbow trout! hätt fasch no ä 2. gfange aber woner isch usem wasser gumpet hetersech vor achle chönne löse!
nur no ebber schüsch het ä fisch gfange!
äs isch meega wellig gse ufem See!
unglaublech das ä see so cha due!
när heimer üs de aui so ire chline bucht troffe u hei üsi drü boot zämäbunde! soo luschitg s mettlere boot isch s grösste u het ou die besti usstattig....grill u schüsch sehr viu platz!
si hei agfange üse fisch usnä!hei äs avocadomousse gmacht u ufs brot gstriche u när roue fisch wosi hei metbrocht u de no gurkestreifeli...mmmmm....när hets no filet gä wosi hei griliiert u dr grösser fisch womer hei gfange! isch eifach sooo cool gse....so am drü simer de wider an land gse u de heimerm üs zwäg gmacht für für dr rotary club in cromwell z bsueche! und ou dert heimer wider gässe!

schlussendlech simer de am mändi obe am 11 vo däm tolle weekend wider hei cho....