happy arrived in New Zealand

Hallihallo

geschder isches de auso sowit gse u ig bi bi in neuseeland acho.

für die wuche bini bi mim betreuer u sinere nätte familie! bi geschder mega müed gse aber hüt gots mer eich scho wider relativ guet!

Im momentisches relativ chaut doch ig hoffe äs wird baud wider wermer!äs het hüt immer wider chlei grägnet aber denn wos ni gad chlei het ufghört het d sunne mega starch gschine für irgendwie 10 min u de hets wider afo rägne für 5 min oder so!

isch mega luschtig für mi!

ig be hüt scho chlei Dunedin go aluege! isch mega schön und mi merkt die schottischi herkunft vo dere stadt! äs isch meeeega schön u womer do so si gfahre simer plötzlech am Meerg se! SOOOOO UNGLAUBLECH isch eifach wunderschön gse u ig ha müesse a die schöne herbsferie womer immer gmacht hei met mine Eutere dänke.....fischli füetere...oder eifach ir sunne ligge...,! Mer gö morn i ihres Feriehuus wo öbbe 3,5h vo Dunedin entfernt isch u wärde dört äuä bes am friti blibe! ha scho äs paar mega schöni föteli vo dert gse! Si hei dört äs Boot wius gad ä see het u si liebes z fische !!!....wird sicher luschtig!!!

Ig wirde auso eze i dere wuche bi mim betreuer u sinere Familie si! Am samschdi goni äuä de zu minere erschde gaschtfamilie u ig gloube si wei met mer a däm wucheänd oder so nach Queenstown go...tönt meega cool! u när wirdi ^w wucheänd druus nach Berwick go ..dert wirdi die angere ustuschschüeler träffe...die wo im moment in Neuseeland si u die wo ez gad vo ihrem ustusch si hei cho!!!

äs si so vili neuiidrück so für mi....aber äs isch aues mega schön...aui si mega nätt!!!äs isch eifach toll!

so ez wünschi euch aune dasder ir schwiz ni verfrüret!!hihi