YAY ändlech Früelig

Halli hallo everyone
äs duet mer mega leid dasi so lang nümme ha gschribe...und ig wär froh wemmer do niemer vorwürf macht!
Ig erläbe hie mega viu...und wott haut mängisch eifach mini zit gniesse und nid dr blog müesse ufem neuschte stang zhaute...wius zimlech lang got um föteli ufezlade
Aber egau...do bini wider einisch!
so viu zit vergange...ig ha mini gaschtfamilie gwechslet....und ou mis tagebuech het sit denn nümme vo mer ghört...
Die familie isch super!...mer hei mega viu spass und dr fakt dasi immer a strand cha...nur 2mmin loufe...und ä wunderschöne strand wie im märlibuech...go oft goloufe oder seckle oder gniesse eifach dr sunneungergang...

Bi mega glücklech!



Sunneufgang ...äs föteli woni jede tag ide letschde wuchene hät chönne schiesse!


Mer hei ez ou mega viu chlini schöfli ...überau wome dürefahrt gsetme wider äs paar!
isch mega härzig und mer zie bide nochbere 6 zur höufti met fläsche uf...wiu d müeter wo beidi drü jungi hei ni m
öge ko!
es wird ez ächt früelig...me gsetsdasi ohni jagge und i 3/4 hose id schueu cha go!
hihi

mer gniesse üsi zit...ou we bi mer im moment aues chlei verplanet isch und zit mit kollege oft chlei zchurz chunnt!
nöchscht wucheendi hani äs camp met Rotary ..am sunndi bes nöchschde donnschdi goni meter blingfoundation go skifahre...mer bringe ching zwüsche 12 u 17 met sehschwächine ufd Piste...isch hofflech ä cooli erfahrig be ou scho ufeme angere camp gse met angerne chind...wird sicher luschtig obwou ig lieber ufem snowboard stoh!
und de s wuchenedi druf goni ufene Tramp in Queenstown...und d wuche druf setti die interne abschlussexams schribe...das wirdmer jo luschtig!
mer gses jo de!



wünsche euch aune äs gueti zit....

und hoffeder freuetnech über chlei news....

No News are good news.....das heisst weder gar nüt vo mer ghöret gots mer met grosser warschindlechkeit super guet!
Love nicole